დღეს წვიმა მომკლავს მზის სხივების ამბორით დაღლილს. თავს ტკივილისგან სინანულით ბათუმი დახრის. აჯანყდებიან უძლეველნი ზღვაზე ტალღები კოკისპირულად მე ჩემს ბათუმს მოვენატრები! დღეს წვიმა მომკლავს, თვითონ წვიმად გადავიქცევი! მერე, ბათუმო ჩემგან ვერსად ვერსად ვერ გაიქცევი! ჩემი სული კი, თან გაყვება თოლიებს ცაში მოგევლინებით ბათუმის ზღვის სურნელებაში. პალმების ყველა ჩასუნთქვაში, თოვლში და ქარში.. ბათუმის ყველა კუთხე-კუნჭულს -ბოლოში, თავში! არ წყდება წვიმა- გამეტებით წვეთავს და წვეთავს გულს მიჩერებს და ამქვეყნიურ ყველა კარს კეტავს. წვიმის სულელ წვეთს ჩემთან გიჟი ფიქრები მოჰყავს და მე მგონია, ბათუმური დღეს წვიმა მომკლავს!
როცა თბილისში წვიმს მე ჩემს ბათუმში ვარ... ბათუმი არის წვიმა, და არაფერი სხვა.
მე მისი ცრემლი მზრდიდა, მისი ქუჩა და ზღვა. ბათუმი არის ძიძა, და არაფერი სხვა.
აქ მამაჩემის სახელი პირზე ეკერა ხალხს, ბათუმი არის ნაღველი და არაფერი სხვა.
აქ შეუყენეს ჩემი ძმა ბევრჯერ გოლგოთის გზას, ბათუმი არის შერისხვა, და არაფერი სხვა.
ხან გულისგულში მიკრავდა, ხან მიღერებდა ქვას, ის იყო ჩემი კორიდა, და არაფერი სხვა.
აქ წინაპართა სხეულებს მიწა ხურავს და ხრავს, ბათუმი არის სიკვდილი და არაფერი სხვა.
მე ჩემს ბათუმში წავალ, მე ჩემს სიკვდილში წავალ, ოღონდ გათენდეს „ხვალ”... ბათუმი მონატრებაა, ბათუმი მოლანდებაა, და არაფერი სხვა.
მე აქ მიყვარდა პირველად, და უკანაკნელ ხანს, ბათუმი სიყვარულია და არაფერი სხვა.
აქ არის ჩემი ცხოვრება, ჩემი ჯვარცმა და ხსნა, ბათუმი არის ბათუმი, და არაფერი სხვა.
მოვკვდები, ჩუმად მიტირებს მისი წვიმების ხმა... ბათუმი მაინც წვიმაა, და არაფერი სხვა.
საქართველოს ერთი მხარე,არის კოხტა აჭარა, აქვს ზღაპრული ბათუმი და ყველაფერი კაშკაშა, ეს მხარე ხომ მთიანია და თან ზღვისპირეთია, დასვენებას რა სჯობია,აქ ხომ ყველაფერია.
შორი დანახვითაც ხვდები,რომ კარგია აჭარა, შიგნით თუ გაისეირნებ, ვერც სიხარულს დამალავ, საითაც კი გაიხედავ,ყველა მხარე გახარებს, ყველგან სისუფთავეა და ყველაფერი ნარნარებს.
შენ გამშვენებს ვარსკვლავებით მოჭედილი მაღლა ცა, ქვემოთ დიდი ზღვისპირეთი,უსასრულო ლურჯი ზღვა, ლამაზი ჩანჩქერები,რომ მოდიან შორს მთიდან, ყველა ხალხს უხარია და ამაყობენ ამ მხრითა.
სიახლე იმდენი არის,ვეგარც კი იცნობ აჭარას, სასტუმროების ნაკადმა იქ ყველაფერი დაფარა, ზღვისპირეთი ლამაზია,მართლა ძალზე კარგია, ბევრ ტურისტსაც იზიდავს და კარგი პირობებია.
ოხ! ბათუმო შენ ბათუმო,რა კარგი ხარ რა კარგი, ლურჯ ზღვის სილამაზეში და მაღალ მთებში ჩაფლული, შენ ხომ აჭარის ცენტრი ხარ,სიამაყე ხარ ამ მხარის, თანაც იმდენი გაკეთდა,ყველა გაოცდა აქ ხალხი,
ოხ! ბათუმო შენ ბათუმო,რა კარგი ხარ რა კარგი, დამსვენებელს იზიდავ და სიყვარულსაც პირდები, ისვენებენ,ხალისობენ,ერთობიან ბათუმში, და ამიტომ გაუფრთხილდით,სულ მოვიდნენ ზაფხულში.
შენ ბათუმო საქართველოს, საბადო ხარ ნამდვილი, მსოფლიოდან ხალხი მოდის,არ გეგონოთ ადვილი, ყველა რასის ხალხია და ყველა ხარობს ბათუმით, ყველა ქართველს უხარია,რომ მხარე აქვთ ზღაპრული!
.jpg/800px-Theater_and_Radisson_Hotel_in_Batumi,_Georgia_(Europe).jpg "ჩემი ქალაქი")
ინფორმაცია
